Graad R is belangrik omdat dit die fondament lê vir ‘n kind se toekomstige leer en ontwikkeling. Hier is enkele redes waarom dit so belangrik is:
- Ontwikkeling van basiese vaardighede: Kinders leer belangrike vaardighede soos luister, praat, konsentreer, volg van instruksies en saamwerk met ander – alles noodsaaklik vir formele leer.
- Skoolgereedheid: Graad R help kinders om gereed te wees vir Graad 1 – akademies (wat veral die sensories-motoriese ontwikkeling behels) en emosioneel, normatiewe ontwikkeling en meer. Dit maak die oorgang makliker.
- Taal- en geletterdheidsontwikkeling: Kinders word blootgestel aan stories, liedjies en vroeë ouditiewe en visuele aktiwiteite, wat lees ondersteun en wat hul taalvaardighede versterk.
- Wiskundige denke: Basiese konsepte soos tel, vorms, patrone, hantering van blokke, konstruksie-apparaat, belewing van massa en volume deur met water en sand te werk, asook ruimtelike bewustheid word spelenderwys aangeleer.
- Sosiale ontwikkeling: Deur met ander kinders te speel en werk, leer hulle sosiale norme, selfbeheersing en empatie.
- Fyn- en grootmotoriese ontwikkeling: Aktiwiteite soos teken, modelleer met klei, knip, frommel, plak, skeur en buitespel ontwikkel fisieke koördinasie en spiertonus, balans, liggaamsbewustheid, lateraliteit en al die belangrike broodnodige aspekte.
- Selfvertroue en onafhanklikheid: Kinders bou selfbeeld deur suksesvolle leerervarings en die hantering van klein verantwoordelikhede.
Die verskil tussen Graad R en Graad 1 behoort opvallend te wees.
Groete!
Wilna van Rooyen